انا زعـــــــــــــلان اوى

ورجعت اساءة الرسول سيدنا محمد عليه الصلاة والسلام من تانى
والموضوع سمعته فى الراديو با الصدفه يعنى لو ما كنش الراديو
مفتوح ما كنتش عرفت وسمعت انهم رسموا النبى بجد اكتر حاجه فى الدنيا ممكن تزعل
اى انسان بس انا زعلان لان مافيش فى ايدى اى حاجه غير انى اقاطع جميع منتجات اليهود والامريكان
والدنماركين الاندال الاغبياء واغبيا لانهم لو كانوا عرفوا مين النبى اللى رسموه ما كانوش فكروا فى الفكره
من اصلا فين سيدنا محمد وفين هما دول
يا فرعون ايه فرعنك قال ما لقتش حد يلمنى
ايوه ماحدش كلمهم لا اعلام ولا حكومه ولا ادو للموضوع حقه هنا فى مصر
دا ماتكلوش عن الموضوع خلاص بجد دا تقصير مننا كلنا
ولو
ماحد ش قدر يرد على الاساءه فربنا هيرد عليها لو مش فى الدنيا هتكون فى الاخره
يـــــــــــــــــارب رد على اساءة النبى لان مشاعر الناس اصابها التبلد
اتجـــــــــــرؤ ورسمو الرسول فين النبى وفين هما دول

التيتانــــــــــــــــك titanic

احلى فيلم فى الدنياكلها والسبب طبعا مش السفينه اللى الناس كلها اتكلمت عنها

لان فى وقتها ماكنش فى سفينه با الحجم ده ولا باالامكانيات اللى كانت فى السفينه

تايتنك وبعد اذنكم لازم احكى ليه السفينه غرقت قبل ما اقول انا ليه بحب الفيلم ده اوى

غرقت عشان صاحب السفينه قال ان السفينه دى لا يقدر عليها حتى الرب

مش عايز اطول عليكو واقولكم انا بحب الفيلم ده ليه عشان اخر حته صغيره فى الفيلم

وجاك فى الميه وهى فوق الساعه الخشب اللى كانت فى الميه وضحى بحياته عشان

حبيبته تعيش فيــــــــــــه كـــــــــــــده

والفيلم ده بيفكرنى باغنية اصاله انت وانا على مركبه من غير شراع

عمال بيحدفنا الهوا بين اللقى وبين الوداع

وعشان تعدى المركبه وتوصلك بر الامان

لازم نقلل حملهاوانزل انا من غير كلام

مستحيل يكون فيه كــــــــــــــــــده

اختـــــــــــــــــى والمدونـــــــــــــــــه

كان ياما كان وما يحلى الكلام الا بذكر النبى عليه الصلاة والسلام

*******

عمرى مافكرت انى اعمل مدونه واكتب فيها حاجاتى الشخصيه

بس الاغرب انى اختى عملت مدونه ووجعت دماغى بيهاكل يوم كل لحظه حتى

وانا نايم بحس انها بتكلمنى عن المدونه بتاعتها وطبعا الموضوع

ماكانشى شاغل دماغى خالص وجه الموضوع فجاءه فى دماغى من غير اى مقدمات

وعملت المدونه بس مش ده الغريب الغريب انى اتخنقت منها فى اول يوم عملتها فيه

وانشغلت عن الموضوع ده ويمكن اكون نسيته ورجعت النهارده وفكرت فى المدونه

مش عارف ليه يمكن عشان ماكنتش لاقى حاجه اكتبها يعنى هو النهارده لقيت الحاجه اللى هاكتبها

الله اعلــــــــــــــــــم

ويارب اقدر اكمل فيها وما ارجعش فى كلامى تانى